to view this video please enable JavaScript, and consider upgrading to a web browser that Supports html5 video
Alchemy of the Spirit
အော်လီဗာဘလက်ခ်လို့ အမည်ရတဲ့ ပန်းချီဆရာကြီးဟာ ချစ်မြတ်နိုးရတဲ့ ဇနီးဖြစ်သူအယ်ဗလင်းနဲ့ တစ်သက်လုံးလက်တွဲဖြတ်သန်းလာခဲ့သူတစ်ဦးပါ။ တစ်ရက်မှာတော့ အယ်ဗလင်းဟာ အိပ်စက်နေရင်း သေဆုံးသွားခဲ့ပြီး အော်လီဗာတစ်ယောက် အယ်ဗလင်းရဲ့ဘေးမှာ နိုးထလာခဲ့ပါတယ်။ အော်လီဗာဟာ အစကတော့ ၉၁၁ ကို ဖုန်းဆက်အကြောင်းကြားဖို့ တွေးမိခဲ့ပေမဲ့ ဒီလိုလုပ်လိုက်ရင် သူနဲ့ သူချစ်ရတဲ့ဇနီးတို့ဟာ ထာ၀ရဝေးကွာသွားရတော့မှာကို သဘောပေါက်သွားပါတယ်။အော်လီဗာဟာ ဇနီးသည်ရဲ့သေဆုံးမှုကို လက်မခံချင်ဘူး။ ဒီလိုလက်မခံထားမှသာ သူနဲ့ ဇနီးဖြစ်သူဟာ ဘယ်တော့မှမခွဲခွာရမှာ။မှော်ဆန်တဲ့ လက်တွေ့တည်ရှိမှုနဲ့အတူ အော်လီဗာဟာ ယုံကြည်မှုတွေရဲ့ မှားယွင်းနေတဲ့အတွေးကမ္ဘာကြီးထဲကို ရောက်ရှိသွားတယ်။ အိုလီဗာအတွက် အချိန်နဲ့ နေရာတို့ဟာ ရောယှက်သွားခဲ့ပြီး ဘယ်ဟာကအစစ်အမှန်လဲ ဘယ်ဟာက စိတ်ရဲ့လှည့်စားမှုလဲဆိုတာ ကွဲပြားအောင်ခွဲခြားဖို့အတွက် စတင်ခက်ခဲလာခဲ့တယ်။ဒီလိုနဲ့ အော်လီဗာရဲ့ ထင်ယောင်ထင်မှားဖြစ်မှုတွေနဲ့ ပြည့်နှက်နေတဲ့ အတွေးကမ္ဘာကြီးထဲကို အယ်ဗလင်းရောက်လာခဲ့တယ်။ အယ်ဗလင်းနဲ့ အော်လီဗာ စကားပြောကြတယ်၊ အယ်ဗလင်းက အော်လီဗာကိုထွေးပွေ့တယ်။ အော်လီဗာဟာ လက်တွေ့ကမ္ဘာနဲ့ အတွေးကမ္ဘာအကြား သေဆုံးသွားပြီဖြစ်တဲ့ ဇနီးဖြစ်သူနဲ့ ဆက်လက်ဆက်သွယ်နေရင်း ဖောက်သည်တစ်ယောက်အပ်ထားတဲ့ အနုပညာဖန်တီးမှုတစ်ခုကို ဆက်လက်ပြုလုပ်နေတယ်။ဒီရုပ်ရှင်ဟာ သေခြင်းတရားအပေါ် မေးခွန်းထုတ်စေမယ်။ သေဆုံးပြီးသွားတဲ့အခါ နောက်ဘ၀ဆိုတာ ရှိမလား၊ ဘ၀ဆိုတာ သေဆုံးပြီးသွားတာနဲ့ ရပ်တန့်သွားပြီလား၊ စိတ်ကရော ဒါကိုဘယ်လိုလက်ခံလဲဆိုတဲ့ မေးခွန်းထုတ်စရာကိစ္စတွေကို အော်လီဗာနဲ့ အယ်ဗလင်းတို့အကြားက ချစ်ခြင်းသံယောဇဉ်ကို ထူးခြားတဲ့အရောင်တွေ၊ စကားလုံးလှလှတွေနဲ့ လွမ်းဆွေးဖွယ်ရာသီချင်းသံတွေကို အသုံးပြုပြီး နူးညံ့ ဖြေးညင်းစွာ ပုံဖော်ထားတဲ့ရုပ်ရှင်ဖြစ်တာကြောင့် ပျင်းစရာကောင်းပေမဲ့ တစ်ချိန်တည်းမှာ ကြည့်ရှုသူကို အတွေးကမ္ဘာထဲခေါ်ဆောင်သွားပေးမယ့် ရုပ်ရှင်ဖြစ်ကြောင်း ညွှန်းဆိုရင်းနဲ့ပဲ…
Genre:
Actor: Mink Stole , Whip Hubley , Matthew Delamater , Xander Berkeley
Director:
Writer:
Country: United States of America
Release: 2022-02-16
Duration: 92 Min
Quality: HD
Rating: 0
0
Copyright 2024