to view this video please enable JavaScript, and consider upgrading to a web browser that Supports html5 video
Freedom's Path
ဒီရုပ်ရှင်ကတော့ သမိုင်း၊ စစ်ပွဲနောက်ခံ ဒရာမာ လေးပါပဲ။ သမိုင်းကတော့ အမေရိကန် ပြည်တွင်းစစ် ( ၁၈၆၁ – ၁၈၆၅) ကို အခြေခံထားတာဖြစ်ပါတယ်။ ကျွန်စနစ်ဖျက်သိမ်းရေးကိုထောက်ခံတဲ့ မြောက်ပိုင်းတပ် (ယူနီယံတပ်) နဲ့ မထောက်ခံတဲ့ တောင်ပိုင်းတပ် (ကွန်ဖဒရေစီ) တပ်တွေ တိုက်ခိုက်ကြတဲ့ကာလပါ။ အဲဒီပြည်တွင်းစစ်မှာ လူမည်း ၁၈၀၀၀၀ လောက် ပါဝင်တိုက်ခိုက်ပေးခဲ့ပါတယ်။ အမေရိကန်မှာ ၁၇၆၀ ကျော်ကစပြီးနှစ် ၁၀၀ လောက်အမြစ်တွယ်နေတဲ့ ကျွန်စနစ်ကို တိုက်ဖျက်ရတာ မလွယ်ခဲ့ပါဘူး။ မြောက်ပိုင်းသား ယန်းကီးတွေတောင်မှ နိုင်ငံပေါင်းစည်းရေးအတွက်ပဲ တိုက်ပြီး ကျွန်တွေကိုအထင်သေးတဲ့သူတွေရှိတုန်းပါပဲ။ စစ်ပွဲကာလ တောင်ပိုင်းကနေ မြောက်ပိုင်းကိုထွက်ပြေးဖို့ ကြိုးစားကြတဲ့ ကျွန်တွေအကြောင်း၊ ကျွန်တွေကို ပြန်လိုက်ဖမ်းတဲ့မုဆိုးတွေအကြောင်း ပါပါတယ်။ နောက်ဆုံး စစ်ပွဲကြီးအပြီး မြောက်ပိုင်း ယူနီယံတပ်တွေနိုင်ပြီး ကျွန်စနစ် ဖျက်သိမ်းခဲ့တာတောင် လူမည်းတွေကို အကြီးအကျယ်နှိမ်တဲ့ နယ်မြေတွေရှိခဲ့တုန်းပါပဲ (Green Book ရုပ်ရှင်မှာတွေ့နိုင်ပါတယ်) ။ လူမျိုးရေးခွဲခြားမှုကတော့ ယနေ့ခေတ်အထိ ဥပဒေနဲ့ ထိန်းချုပ်ထားတာတောင် ဖြစ်ပျက်နေဆဲပါပဲ။အခု ရုပ်ရှင်ကတော့ ယူနီယံစစ်သား ဝီလီယံ တစ်ယောက် ကွန်ဖဒရိတ်တွေနဲ့ ပထမဆုံးစစ်ပွဲမှာ ဒဏ်ရာနဲ့ ထွက်ပြေးလာပြီး တောင်ပိုင်းမှာ တစ်ယောက်တည်း သေဖို့ကျန်ခဲ့တဲ့အချိန်မှာ တောင်ပိုင်းကနေ ထွက်ပြေးလာပြီး ယူနီယံတပ်ထဲဝင်ဖို့ ထွက်လာတဲ့ လူမည်းတစ်စုက ကယ်တင်တာခံရပုံပဲ။ ဝီလီယံက ယူနီယံတပ်သားဖြစ်ပေမဲ့ ကျွန်စနစ်ကို ဘာလို့တိုက်ဖျက်ရမှန်းတောင် နားလည်တဲ့သူမဟုတ်ပါဘူး။လူမည်းတွေကို အထင်သေးပါသေးတယ်။ ဒါပေမဲ့ လူမည်းတွေကြားမှာ ရှင်သန်ရင်းနဲ့ ညီအစ်ကိုလို မိသားစုလိုဖြစ်လာပြီး တောင်ပိုင်းက ကျွန်မုဆိုးတွေနဲ့ ရင်ဆိုင်ရချိန်မှာတော့…
Genre: Drama , History , War
Actor: Gerran Howell , RJ Cyler , Ewen Bremner , Carol Sutton , Afemo Omilami , Harrison Gilbertson , Thomas Jefferson Byrd , Steven Swadling
Director:
Writer:
Country: United States of America
Release: 2023-02-03
Duration: 131 Min
Quality: HD
Rating: 0
10
Copyright 2024