to view this video please enable JavaScript, and consider upgrading to a web browser that Supports html5 video
Haunted Harmony Mysteries: Murder in G Major
IMDb 7.1 ရရှိထားတဲ့ လူသတ်သရဲကားကို CMကနေ တင်ဆက်ပေးလိုက်ပါတယ်။ Full House, Family Guy, Detention, Roommates အစရှိတဲ့ ရုပ်ရှင်စီးရီးတွေရဲ့ မင်းသမီး Tamera Mowryက ယခုရုပ်ရှင်မှာ ဂတ်ဆန်းမန်းနီး ဆိုတဲ့ ကာရိုက်တာအနေနဲ့ သရုပ်ဆောင်ထားပါတယ်။ ဒါ့အပြင် Too close , Delicious , The Inheritance, Extra ordinary အစရှိတဲ့ ရုပ်ရှင်ကောင်းပေါင်းများစွာမှာ သရုပ်ဆောင်ဖူးတဲ့ Risteárd Cooperကြီးကပါ အဆိုပါရုပ်ရှင်ကို အတွဲညီညီနဲ့ တွဲဖက်သရုပ်ဆောင်ထားပါတယ်။( အေမန် မက်ကာသီနဲ့ အော်လာတို့က နိုင်ငံကျော် အနုပညာရှင် ချစ်သူတွေဖြစ်ကြပါတယ်။ သူတို့၂ယောက်ကို လူတိုင်းကလည်း ချစ်ကြပါတယ်။ ဒါပေမယ့် သူတို့ချစ်သူ၂ဦးကြားမှာ အဖြစ်ဆိုးကြီး ဖြစ်သွားခဲ့ပါတယ်။ Official သတင်းအရဆိုရင် အေမန်က အော်လာကို သတ်ပြီး ကိုယ့်ကိုယ်ကို အဆိပ်သောက်သတ်သေသွားခဲ့တယ်လို့ဆိုပါတယ် …….. )ဂတ်ဆန်းမန်းနီး ဘရောင်းလို့ခေါ်တဲ့ သီချင်းသင်တဲ့ ဆရာမက အိုင်ယာလန်မှာရှိတဲ့ ဘော်ဒါကျောင်းရဲ့ သံစုံတီးဝိုင်းက ကျောင်းသား/သူတွေကို သီချင်းသင်ပေးဖို့ အိုင်ယာလန်ကို ရောက်ရှိလာပါတယ်။ အိုင်ယာလန်ကို ရောက်လာတဲ့ ဂတ်ဆန်းမန်းနီးက စောနက အေမန့်ရဲ့အိမ်မှာ တည်းခွင့်ရပါတယ်။ အိုင်ယာလန်ကို ရောက်လာတဲ့ သူ(မ)ရဲ့ ရည်ရွယ်ချက်က သီချင်း သင်ပေးဖို့ပါပဲ။ ဒါပေမယ့် မမျှော်လင့်ထားဘဲ အေမန့်ရဲ့ ဝိညာဉ်နဲ့ တွေ့ဆုံလိုက်ရတဲ့အခါမှာတော့ ….. အေမန်ကရော Official သတင်းက ပြောသလို သူ့ရဲ့ချစ်သူ အော်လာကို တကယ်ပဲ သတ်ခဲ့တာလား …. အေမန်က နစ်နာသူလား …. အေမန်က အသတ်ခံခဲ့ရတာလား ….. သူအသတ်ခံရတာဆိုရင် အေမန်တို့ကို ဘယ်သူက သတ်သွားတာလဲ ….. ဘာလို့ သတ်ရတာလဲ ….. အေမန်က သေသွားတာတောင် ဘယ်လိုဖြစ်လို့ မကျွတ်သေးဘဲ ဝိညာဉ်အနေနဲ့ ပိတ်မိနေသေးတာလဲ ….. အေမန်နဲ့ အော်လာသေဆုံးမှုမှာ မထင်မှတ်ထားတဲ့အရာတွေ မထင်မှတ်ထားတဲ့ ကိစ္စတွေ ပါဝင်လာတဲ့အခါမှာတော့ ……ဂတ်ဆန်းမန်းနီးနဲ့ အေမန်တို့ အေမန် သေဆုံးရတဲ့အပေါ်ကို စုံစမ်းဖြေရှင်းတဲ့ပုံစံနဲ့ ယခုရုပ်ရှင်ကို စိတ်ဝင်တစားကြည့်ရှု့ရမှာဖြစ်ပါတယ်။ တရားခံက နောက်ဆုံးအချိန်ထိ သို့လောသို့လောဖြစ်နေအောင် Plotကို လုပ်ထားတာကို အတော်ကြိုက်မိတယ်။ လူသတ်ကားကိုမှ သရဲလည်းပါပြီး စုံစမ်းစစ်ဆေးရေးပုံစံလည်း ပါတယ် ပြီးတော့ serious ဆန်ပေမယ့် တအားကြီး စိတ်ဖိစီးရလောက်တဲ့အထိ serious မဆန်ဘဲ တချို့နေရာလေးတွေ အလိုလိုရယ်ရတဲ့အခန်းတွေလည်း ပါတော့ ကြည့်ရတာ ဘက်ပေါင်းစုံကနေ ရသပေးနိုင်မှာ သေချာပါတယ်။ ဒီလိုဇာတ်လမ်းမျိုးက ကြည့်ပြီးတာနဲ့ ရုပ်ရှင်ကားကောင်းတစ်ကားကို ကြည့်လိုက်ရလို့ ကျေနပ်တဲ့feelingမျိုးပေးစွမ်းနိုင်မှာ သေချာပါတယ်လို့ပြောရင်း reviewကို အဆုံးသတ်ပရစေ။
Genre: Mystery , TV Movie
Actor: Tamera MowryHousley , Marco Grazzini , Risteard Cooper , Adam Fergus
Director:
Writer:
Country: Unknown
Release: 2023-09-22
Duration: 84 Min
Quality: HD
Rating: 0
7.5
Copyright 2024